Pas një nate tjetër magjike të jetës së tij, Lionel Messi tashmë është kthyer tek skuadra e tij Inter Miami në Florida.

Kampioni i botës me Argjentinën, i cili dje fitoi Topin e Artë 2023 në Paris, udhëtoi menjëherë drejt Shteteve të Bashkuara për të rifilluar përgatitjet për sezonin e ardhshëm, me skuadrën e tij, shkruan Arbresh.info.

Fituesi i Topit të Artë, u befasua nga ekipi dhe bashkëlojtarët e tij, pas arritjes së suksesit historik.

Ocho para nuestro ? ? pic.twitter.com/aHv2sIxgdN

— Inter Miami CF (@InterMiamiCF) October 31, 2023

Inter Miami, pa dyshim, e ka festuar suksesin e numrit 10, i cili u prit ngrohtësisht nga shokët e tij, stafi teknik dhe drejtuesit.

Për të nderuar Messin, u krijua korridori i famshëm i futbollistëve dhe u bënë foto të shumta me një karton në formën e numrit 8.

Messi gëzoi bashkëlojtarët me autografe, ndërsa pati edhe shumë buzëqeshje, shtrëngime duarsh dhe përqafime për futbollistin më të mirë në botë.

Kujtojmë se Messi e fitoi Topin e tetë të Artë, në karrierën e tij./Arbresh.info/